-.-.-. اول موضوع لي في المنتدى .-.-.- نكت مغربية جديدة -.-.-.

السلام عليكم ورحمة الله تعالى وبركاته

هذا اول موضوع لي في منتدى النكت

اتمنى ان ينال اعجابكم



نكت المسمومين



1-واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش



2-هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم.
رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. شربي ليك شي كاس ديال الما ونعسي



3-هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟
قال ليهم: لا، و لكن سمعت بأن البكا كيعدب الميت



4-مسموم قطعات ليه الدولة النص ديال المانضة ديالو كتبرع للانتفاضة، ناض تبرع بالنص التاني لإسرائيل



5-واحد المسموم صور بّاه و هوما كيدفنوه، و كل نهار كيخدم الكاسيطة لأمه



نكت المدرسة



1-هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات



2-هادي واحد المعلمة رسمات للدراري تراكتور و سولاتهم واش عرفوا أشنو سميته.
حتى واحد ماعرفه. واحد شوية وهي تنوض واحد باش يجاوب و الدري تمتام، قال ليها: تر تر تر تر تر تر
وهي تقول ليه: أنا غير سولتك على سميته ماشي قلت ليك دير ليه أمارش



نكت المبوقين



1-هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
قال ليه مول القنية: أسبحان الله، راه قنية هادي
قال ليه المبوق: ما هدرتش معاك، هدرت مع القنية



2-هادا واحد مبوق سولوه: أشنو رأيك ف الزواج المبكر؟
قال ليهم المبوق: زعما أشمن ساعة بالضبط؟



3-هادا واحد مبوق بزاف. مشى عند البوليس وقال ليهم: الله ياودي! إيلا ما سولت أنا ما تسولوا نتوما؟



4-هادا واحد مبوق وصل حدا البوتو ديال الضو وبدا يدق يدق يدق، يصحاب ليه واش دارهم
جا عندو واحد آخر مبوق كتر منو، قال ليه: أشنو كدير أصاحبي؟
قال ليه المبوق اللول: كندق على دارنا وحتى واحد ما حل ليا
طلع المبوق لاخور راسو وهو يقول لصاحبو: إيوا العجب... راهوم شاعلين الضو زعما



5-واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت



6-واحد مول الطاكسي كان راكب عندو واحد خينا مبوق ملي ضرب واحد الراجل
مول الطاكسي مخلوع قال للمبوق: نزل أخويا الله يرحم باك شوف ياك ما مات
نزل المبوق وقال ليه: رجع شوية اللور، زيد شوية القدام على ليسر... زيد مازال... صافي بركة. دابا مؤكد قضيتي عليه


هادي واحد النكتة حصريا لمنتدى النكت ، ايلا عجباتكم نشروها
مع خالص تحياتي :


واحد المبربق قالو ليه قدم لينا نفسك في بضع سطور .. ، قال ليهم : اسمي الحاج محمد ، مسيحي من أتباع بودا من مواليد 1990 ، عمري 55 سنة ، مراهق ولكن باقي ما بلغتش ، مغربي ولكن الباسبور ديالي باكستاني ، حيت تزاديت ف اسكتلندا ، بالضبط فمدينة نيويورك ، ولكن ماعنديش مع اللغة الانجليزية كنهضر بالفرنسية حيت ثقافتي هندية ، وأنا دابا عايش فالطاليان ، وكنقرا فلافاك ديال محمد الخامس اللي قريبة لبرج إيفل ، وتخصص ديالي اقتصاد ، وان شاء الله نهار غنتخرج غنولي محامي فالمستشفى البلدي ديال الحي الحسني



انتظر ردودكم للمزيد من النكت


شكرا